Pû no te Tia Hau (Centre d’Ambassadeur) o te hoê ïa pû i haamauhia e Davida C. Pack tane i te matahiti 2008, oia hoi te Peretiteni e te Orometua Faatere Rahi o te Ekalesia o te Atua i Faatia Faahouhia, ia manuia hoi te taata i roto i te huru atoa o to'na oraraa nei. E tauturu te Pû no te Tai Hau (Centre d’Ambassadeur) i te mau tane e te mau vahine no te faaineine ia ratou ia amo i te mau hopoia rahi i roto i te Ohipa a te Atua, ma te haapii i te mau piahi i te mau parau faufaa e manuia ai i roto i te oraraa.
Te titau nei te pû no te Tia Hau (Centre d’Ambassadeur) i te hoê faito hau a'e i te maitai i roto i te haapiiraa ma te horoa atu i te hoê faanahoraa haapiiraa tei tauturu atu ia ratou ia haamahora atu â i to ratou huru e to ratou hiro'a.
Te faaiteraa i te fâ
E piti ïa fâ ta te Pû no te Tia Hau :
(1) E horoa oia i te hoê faanahoraa haapiraa i roto i te mau pupu tei anoi noa te mau tane e te mau vahine no te faaineineraa i te mau piahi, e tae noa'tu i te mau rave ohipa no amuri a’e i te pû no te faatereraa o te Ekalesia o te Atua i Faatia Faahouhia.
(2) Faatupu atu â i te hoê taviniraa no te Ekalesia o te Atua i faatia faahouhia mai te mau titauraa teitei roa a'e i te pae varua, i te pae o te feruriraa, e i te pae o te ta'ere, tei haapaohia no te tavini i tei piihia e te Atua i roto i Ta'na ra Ekalesia, e no te haapaututu i te pororaa i te Evanelia o te Basileia o te Atua mai te hoê ite no te mau nunaa atoa.
Te mana'o nei te pû no te Tia Hau e, e mea faufaa mau, eiaha noa ia horoa i te mau piahi i te hoê faito hohonu no te ite, e te maramarama maitai i te mau Papa’iraa e no te tuatapaparaa evanelia (teologia), ia horoa atoa hia ra te hoê haapiiraa papu mau no te mau tumu parau atoa, ia fana’o hoi i te hoê hope roa e te au maite.
Hi'oraa no te mau haapiiraa e horoahia nei
Hoê hi'oraa no te mau haapaoraa faaroo rahi roa a'e o te ao nei mai te haapaoraa Hindou, Bouddha, Confucianisme, Taoïsme, Shintoïsme, te faaroo Mahometa, te faaroo cheristiano mau e te haapaoraa Ati Iuda.
Te hoê tuatapaparaa i nia i te tu'atiraa (buka faahororaa) o na Evanelia e maha oia hoi Mataio, Mareko, Luka e o Ioane, e to ratou mau aamu; hoê haapiiraa hohonu i nia i te oraraa e te taviniraa o Iesu Mesia.
Hoê tuatapaparaa i nia i te mau parau tumu no te faatere maitai e i nia i te mau hinaaro e te mau raveraa ti'a ia faanahohia i roto i te mau tupuraa atoa i te pae totiare.
Hoê hi'oraa amui i nia i te 'ea, te utuuturaa (taote) monoraa i te mau ravea a te natura, e te tapihaaraa i te mau tao'a natura. Hi'opo'araa i te tereraa o te tino e te mau ture e faatere nei i te tino. Te mau niu i nia i te faaetaetaraa tino e te faaoraoraraa tino. Tuatapaparaa i te mau faufaa maitai no te rave atu te reira i roto i te oraraa.
Hoê hi'oraa no te mau emepera e te mau nunaa e te faatupuraa o te mau ta'ere a 4500 matahiti i teie nei.
